ni: Jhonmark D. Barruga
Nursery ES
Nakapagtataka bakit kaya nagkaganito
Sa wari ko’y salat sa pagpapahalaga sa wikang Filipino
Mga labi’t bibig bulol kung bigkasin ang mga titik nito
Mas Bihasa pa yata sa Wikang Banyaga ang ibang Pilipino.
Ating Tandaan, kaluluwa ng Bansa nasa sariling wika
Magigiting na Bayani ito ang ginamit na salita
Sa pakikipagpulong ito’y naging epektibong sandata
Na siyang humobog sa isang makasaysayang Bansa
Paggamit ng sariling wika sa paraang matalino
Pagtuunan ng pansin nang sa gayon ay matuto
Pagtahak sa landas at daang matuwid matatamo
Magkakaintindihan ang bawat mamamayang Pilipino
Kaya, paggamit ng wikang Filipino’y Paghusayin
Basahin ang mga tekstong Filipinong atin
Mga kaalaman dito paunlarin at pagyamanin
Nang sa gayon pagkakakilanlan tuluyang makamtan natin.
